May problema pala si Kuya Emman.
Itatanong ko sana kung paano namin malalaman kung hindi naman siya nagsasabi. Pero bakit nga naman siya magsasabi sa amin kung isa kami sa mga nagpapabigat ng problema niya? Dapat pa nga kaming magpasalamat kasi nagsabi si Kat kasi sa totoo lang, akala ko okay lang ang lahat.
Ewan. Masyado siguro akong nasanay sa mga taong nakapaligid sa akin na bukas magpahayag ng saloobin nila. Nakalimutan ko nang maging sensitibo sa mga emosyong pilit tinatago ng iba. Yung mga tao pa namang hindi humihingi ng tulong ang tunay na nangangailangan nito. Napagtanto ko ring napakababaw pala ng nararamdaman ko. Marami pang mas importanteng bagay sa mundo at kakitiran ng utak ang isiping pag – ibig lamang ang nagpapaikot dito.
Sana hindi tumigil sa pagtuturo si Kuya Emman. Pero sa ngayon, wala akong ibang magawa kundi tapusin ang Construction plate namin.
Jaded Reality 